Microsoft Iceland : öryggi

Dual boot með Bitlocker !

isitpro — Wed, 23 Jul 2008 17:42:00 GMT

Það getur oft verið erfitt að prófa allar nýjustu lausnirnar á sama tíma s.s. nýjasta netþjóninn, Windows Server 2008 og nýjasta stýrikerfið, Windows Vista. En hér má finna leið til þess að hafa dual boot á ferðavélinni og í leiðinni tryggja gögnin með Bitlocker. Hafa skal þó í huga að gera allar nauðsynlegar ráðstafanir áður en ráðist er í þetta þ.e. taka afrit af öllum mikilvægum gögnum, finna til alla helstu reklana (e.drivers) fyrir vélina sem og nýjustu uppfærsluna af BIOS-num. Þetta er aðeins ábendingum um möguleika og því er ábyrgðin öll ykkar ef eitthvað klikkar !

Sumarið er tíminn

isitpro — Wed, 23 Jul 2008 16:52:00 GMT

Yfirleitt er sumartíminn rólegheita tími hjá mörgum tæknimönnum. Sumarfrí starfsmanna og stjórnenda o.s.frv. En fyrir okkur hin sem ekki erum í fríi er sumarið ágætis tími til að kynna sér nýjar og spennandi lausnir. Eitt mest aðkallandi málefni okkar tæknimanna eru öryggismál og vilja allir hafa tölvukerfin sín vel varin fyrir hinum ýmsu tegundum árása s.s. DoS, trójuhestar, vírus og annað "hack". Án efa eru gögn fyrirtækja sem geymd eru á tölvutækuformi þau mikilvægurstu í rekstri fyrirtækjanna.

Öryggislausnir frá Microsoft hafa tekið stakkaskiptum undanfarin ár og í dag er Forefront ein öflugasta vörnin sem um getur á markaðnum. Lausnin er í senn ætluð netþjónum s.s. Windows Server, SharePoint Server, sem og útstöðvum s.s. vírusvörn, spamvörn og fleira.

Hafir þú áhuga á nánari upplýsingum um Forefront öryggislausnirnar getur þú kynnt þér þær hér.

Hafir þú áhuga á að skoða umfjallanir varðandi öryggismál almennt þá mælum við með bloggsíðu Forefront teymisins.

Tech Ed EMEA IT Forum

isitpro — Thu, 12 Jun 2008 19:22:00 GMT

Þá er komin tímasetning á hina geysivinsælu Tech Ed fyrir tæknimenn. Ráðstefnan verður haldin dagana 3.-7. nóvember og staðsetningin er sem fyrr Barcelona. Síðustu ár hefur Microsoft Íslandi staðið fyrir hópferð á þessa ráðstefnu og vel hefur tekist til. Stefnan er að halda því striki í ár en nánari upplýsingar verða veittar þegar nær dregur. Viljum við benda fólki á að fylgjast vel með á viðburðasíðu okkar þegar nær dregur.

Hvað er Tech Ed EMEA IT Forum ?

Þessi ráðstefna á vegum Microsoft í Evrópu þar sem allir helstu sérfræðingar bransans hittast og ræða nýjungar í tæknimálum. Þarna geta gestir leitað til sérfræðinganna og rætt málin, spurt spurningar svo dæmi séu tekin. Við hvetjum hvoru tveggja þá sem áður hafa farið sem og nýja að mæta í ár og upplifa einstaka stemmningu og skemmtan. Þá er ekki úr vegi að þú lærir eitthvað nýtt, kynnist nýrri tækni eða nýju fólki.

Afsláttur ef þú skráir þig snemma !

Þeir sem skrá sig til leiks fyrir 31. júlí fá veglegan afslátt af verðinu. Það er því vel þess virði að hafa hraðar hendur því vanalega verður uppselt á þessa ráðstefnu snemma.

Nánari upplýsingar

Upplýsingar um viðburði Microsoft Íslandi

Vefsíða ráðstefnunnar

Öryggismál með Ronald Beekelaar

isitpro — Tue, 20 May 2008 17:50:00 GMT

Nú nýlega var öryggissérfræðingurinn Ronald Beekelaar hér á landi og fór fyrir ráðstefnu um öryggismál. Meðal þess sem Ronald kom að var hvernig tryggja megi öryggi fyrirtækja með notkun Forefront öryggislausnarinnar frá Microsoft. Nú er búið að gera samantekt af fyrirlestrum Ronalds um heiminn og hvetjum við alla til að kynna sér þá hér. Meðal þess sem Ronald fjallar um eru öryggislausnir fyrir Exchange Server 2007, Microsoft Office SharePoint Server (MOSS) 2007 sem og Forefront Edge lausn sem nefnd er Intelligent Application Gateway (IAG) 2007.